Росія в понедільок оголосила, же одступує од свого єдносторонного мораторія на обмеджіня розміщованя поземных ракет середнього і куртого досягу. У своїм офіціалнім выголошіню о тім інформовало російске Міністерство загранічных діл, пише аґентура DPA. Споєны штаты од Договору о ліквідації ракет середнього і куртого досягу (INF) одступили у 2019-ім році. По закінчіню платности INF російске веджіня выголосило єдносторонный мораторій на розміщованя ракет середнього і куртого досягу. Москва втогды інформовала, же ракеты не буде іншталовати, покля то не зробить НАТО. У 2024-ім році російскый резорт діпломації оголосив, же выроба такых ракет буде обновлена. Договор INF быв підписаный у 1987-ім році меджі США і Совітьскым союзом, і забезпечовав ліквідацію вшыткых поземных балістічных ракет і стріл з плосков траєкторійов летіня з досягом од 500 до 1000 км і середенім досягом 1000 аж 5500 км. Вашінґтном од договору одступив у 2019-ім році з одкликаньом ся на його порушованя з боку Росії.

(Медвідь, TASR)