x

Депутаты якбач будуть хотіти змарити брексіт без договору

00

Премєр Великобрітанії Борис Джонсон є пересвідченый, же депутаты Нижньой сеймовні парламенту, котры не суть согласны з одходом Великобрітанії з Европской унії без договору, зроблять іщі в першій половині септембра крокы, жебы ку такій алтернатіві брексіту не дішло. Написав то в понедільок денник The Guardian. Подля жрідла близкого владі бы ку „битві“ о подобу брексіту мало прийти 9-го септембра. Опозічны лейбрісты роздумують, ці такой першый септембровый тыждень, по літніх вакаціях, не дають пропозіцію на высловліня недовіры Джонсоновій владі, но зроблять то лем втогды, кедь ся найде достаток депутатів од конзерватівців, котры підпорять конець влады властного премєра. Членове Конзерватівной партії, котры не суть згодны з брекстіом без договору, подля денника ціле літо роблять на тім, жебы такому одходу заборонити.

(Медвідь, TASR)

Прочітайте собі / Pročitajte sobi