В Чеській републиці прибыло вчера цілково 5515 потвердженых припадів інфікації коронавірусом SARS-CoV-2. Выходить то з цілковой біланції, котру днесь опубліковало міністерство здравотницьтва ЧР. Од зачатку пандемії было в чехії потвердженых уж  475.284 інфікованых. Чісло смертельных пригод ся звышыло в часі вчерайшого дня о 66 на 6740, інформував портал справодайской телевізії  ČT24. В сучасности є в ЧР 100.970 актівных припадів інфікації, з чого є 6322 особ госпіталізуваных. В ЧР платить нудзовый став до 20-го новембра. Кабінет премєра Андреа Бабіша хоче днесь запропонувати посланцям, абы став нудзы быв продовженый о місяць, пише о тім справодайскый сервер Novinky.cz. (TASR, Pkf)