Ґенерална секретарька Рады Европы Марійа Пейчіновічова Бурічова і еврокомісарка про рівность Гелена Далліова вызвали на ліпшу охрану людьскых прав Ромів і жадають, абы мали в часі пандемії нового коронавірусу забезпеченый приступ к основным службам. Інформувала о тім  хорватьска пресова аґентура HINA. В сполочнім выголошеню, опублікованого з нагоды Меджінародного дня Ромів, котрый є якраз днесь 8-го апріля, Пейчіновічова Бурічова і Далліова попередили, же многы з  10-20 міліонів Ромів в Европі суть выставлены худобі і соціалному вылучіню, причім їх економічну і соціалну депрівацію згоршують і протиромскы налады. (TASR, Pkf)