Америцькый презідент Доналд Трамп у вівторок ознамив, же через войну в Ірані одкладать свою довгочасово пляновану навщіву Китая, котра ся мала одбыти на переломі марца і апріла. Трамп увів, же до Пекінґу одыйде аж о пять ці шість тыжднів. Інформує о тім аґентура Reuters. Вашінґтон спочатку інформував, же Трамп абсолвує свою першу навщіву Китая од зачатку свого другого функчного періоду в дньох од 31-го марца до 2-го апріля 2026-го року і стрітить ся там із презідентом Сі Цзіньпінґом. Лідры ся послідній раз стрітили в октобрі минулого року в Южній Кореї. Пекінґ ниґда публічно офіціално непотвердив термін Трамповой навщівы  а ани звычайно не інформує о проґрамі китайского презідента. (TASR, Пкф)