До Европской унії має довіру 46 процент чеськых гражданів, што є найменше од 2016-го року. В порівнаню з минувшым роком знижыла ся і довіра до НАТО а Орґанізації зъєдиненых народів. В понедільок о тім інформовали бадателі з Центра про баданя публічного мніня, котрый діє в рамках Соціолоґічного інштітуту Академії наук Чеськой републікы. Подля резултатів має з трьох баданых інштітуцій найвекшу довіру Североатлантічна аліанція, котрій вірить 56 процент людей. Пак наслідує Орґанізація зъєдиненых народів з 52-процентнов довіров. Найменша довіра є до Европской унії.

(Медвідь, TASR)