Европска комісія в понедільок схвалила хоснованя вакціны од конзорція Pfizer/BioNTech, котра замірявать ся і на субваріанты коронавірусовой варіанты омікрон. Інформовала о тім предсідателька Европской комісії Урсула фон дер Леєнова. Нову вакціну уж скоріше в понедільок рекомандовала на схваліня Европска аґентура про лікы. Конзорціюм пожадав о схваліня іщі 26-го авґуста. Схвалена вакціна є приспособленов вакцінов Comirnaty, котра хоснує технолоґію mRNA, і є про особы над 12 років, котры мають основну вакцінацію проти ковіду.

(Медвідь, TASR)