Презідент Споєных штатів Йоен Біден і російскый презідент Владімір Путін ся стрітли в швайчарьскій Женеві.  То є їх перше їднаня як презідентів. Лідры США і Росії ся так зыйшли на неутралній швайчарьскій теріторії по 36-рокох. Послідні раз в 1985-ім року їднали  їх попередникы – америцькый презідент Роналд Реґан і втодійшній шеф Кремля Міхаіл Ґорбачов. Ак інформує аґентура AFP, їднаня меджі Путіном і Біденом будуть тырвати аж пять годин. Напяты односини меджі обідвома країнами ілуструє і то, же в проґрамі сумміту не є  сполочне погощіня обідвох лідрів. Окрім того буде мати по взаємных їднанях каждый з презідентів намість сполочной властну пресконференцію, пише аґентура Reuters. (TASR, Pkf)