Україньскый презідент Володимир Зеленьскый в середу вызвав Европску унію, жебы заказала вшыткы російскы штатны каналы а ,,пропаґандістів“. Выражінём зявно наражав на заместнанцїв російскых штатных медій. TASR о тім інформує на основі справы аґентуры Reuters. Зеленьскый ся посередництвом відеоконференції приговорив ку участникам меджінародной конференції Форум 2000 в Празї. ,,На теріторії ЕУ бы не мав зостати ани єден російскый пропаґандіста. Ани єдному російскому штатному телевізному каналу бы не мало быти доволене надале робити на теріторії ЕУ,“ повів україньскый презідент посередництвом перекладателя.

(TASR, Шутіова)