Косово і Сербія ся по 12-годиновых їднанях в суботу договорили на імплементації договору Европской унії (ЕУ) о нормалізації односин меджі обідвома країнами. Ознамив то вчера шеф заграничной політикы ЕУ Йосеф Боррелл, котрый єдночасно означів дебаты за “тяжкы“. Інформувала о тім аґентура HINA. На їднанях в стародавнім северомацедонскім місті Охрід в суботу окрім Боррелла брали участь серьбскый презідент Александер Вучіч і косовскый премєр Албін Курті, як і вынятковый представитель ЕУ про косовско-серьбскый діалоґ, словацькый діпломат Мірослав Лайчак. К договору подля Боррелла дошло у звязку з вытворіням полоавтономных сел зо серьбсков векшынов. (TASR, Pkf)