Председа Европской рады Антоніо Кошта в понедільок писмом вызвав мадярьского премєра Віктора Орбана, жебы Будапешт перестав блоковати пожычку Европской унії про Україну в сумі 90 міліард евр. На пожычці лідеры членьскых держав доїднали ся 18-го децембра на саміті в Бруселі. Орбан в пятніцю вечур інформовав, же Мадярьско буде блоковати пожычку, покля Україна не обновить транзіт російской ропы через роповод Дружба. З єднакой причіны Будапешт блокує схваліня 20-го паклика санкцій проти Росії. Кошта в писмі акцентовав, же Мадярьско мусить діяти в згоді з рішіньом лідерів челньскых держав із 18-го децембра і одблоковати реалізацію пожычкы. Доповнив, же недотриманя договору бы подля нього значіло порушіня прінціпу щірой співпраці меджі членьскыма державами.

(Медвідь, TASR)