На Близкім выходї треба подля російского міністра загранічных дїл Серґея Лаврова выголосити мораторій на атакы, котры способлюють цівілны жертвы.TASR о тім інформує на основі справы аґентуры TASS. ,,Вызвийме вшыткы на заставлїня вшыткых боёвых операцій, зачінаючі цїлковым мораторіём на атакы, котры способлюють цівілны жертвы а нищать цівілну інфраштруктуру, як ся то дїє в многых арабскых державах,“ выголосив Лавров у четверь в Москві. Росія є подля ёго слов довєдна зо своїма партнерами приготовлена выробити пропозіцію резолуції Безпечностной рады Орґанізації Споєных народів о укончіню боёвых акцій на Близкім выходї. ,,Подьте, довєдна підоймеме голос, жебы сьме то вшытко заставили. Потребуєме просту і стручну резолуцію Безпечностной рады ОСН, котра бы не мала мати барз велё слов. Довєдна з нашыма приятелями сьме приготовлены таку пропозіцію в Ню Йорку выготовити а увидиме яка буде реакція,” повів Лавров.

(TASR, Шутіова)