Мадярьскый парламент буде голосовати о ратіфікації вступу Швеції і Фінландії до Североатлантічной аліанції якбач 7-го децембра. В понедільок о тім інформовав сервер szabadeuropa.hu, котрый підкреслює, же теоретічно бы день скоріше мали міністры фінанцій членьскых країн Европской унії голосовати о судьбі еврофондів про Мадярьско. Інформацію о терміні ратіфікації розшыріня НАТО о дві новы країны Шкандінавії в мадярьскім парламенті потвердив і член мадярьской делеґації за опозічну Мадярьску соціалістічну партію Тамаш Гаранґозо в понедільок почас проходжіня засіданя Парламентной асемблеї НАТО в Мадріді. З 30-ох членьскых держав аліанції не ратіфіковало розшыріня уж лем Мадярьско і Турція.

(Медвідь, TASR)