Французькый презідент Еммануел Макрон у віторок пришов до Тел Авіву, жебы выразив за свою країну солідарность із Ізраільом, пише аґентура AFP. Канцеларія французького презідента інформовала, же Макрон бы мав жадати і о охрану про цівілне населіня в пасмі Ґазы. Ізраіль тоту палестіньску енклаву бомбардує і приготовлює ся на можливу поземну офензіву. Елізейскый палац іщі в неділю інформовав, же Макрон піде у віторок до Ізраіля на дводньову навщіву. Іщі перед тым то авізовав уряд ізраільского премєра Бенъяміна Нетанъягу. Макрон днесь в Ізраілю выголосив, же пропущіня ізраільскых заручників триманых палестіньскым мілітантным рухом Гамас мусить быти першым цільом в продовжуючій войні.

(Медвідь, TASR)