Франція і Еґіпт вызвали в понедільок лібійскы уряды і меджінародну общіну на „максімалну стриманость“ в повязаню з ескалаційов конфлікту в Лібії. Інформовала о тім аґентура AFP з одкликаньом ся на выголошіня канцеларії французького презідента Еммануела Макрона. Макрон і еґіптьскый презідент Абдал Фаттаг Сісі в неділю вечур в телефонічнім розговорі згодли ся, же воюючі стороны в Лібії бы мали під покровительством ОЗН дійти ку політічному рішіню конфлікту. Тото выголошіня пришло по тім, што турецькый презідент Речеп Таїп Ердоґан выголосив, же Турція є готова послати до Лібії своїх вояків, покля о то лібійска влада народной єдности пожадать.

(Медвідь, TASR)