x

Азербайджан не планує вступ до ЕУ

00

Азербайджан не має в плані вступити до Европской унії, повів азербайджаньскый презідент Ілгам Алієв у понедільковім розговорі про телевізю Россия24. Алієв повів, же о тій темі недавно бісідовав з азербайжаньдкыма новинарями, бо за його словами суть на то різны погляды, котры суть далеко од реалности. Алієв мав новинарям повісти, же в Унії їх нихто не хоче а країна ани не є на списку кандідатів. Припомянув, же Азербайджан ани не підписав асоціачный договор на розділ од дакілько далшых країн бывшого Совітьского союзу, котры суть споєны в проєкті Выходне партнерство. Асоціачный договор бере за інштрукцію, котра країні нич не дасть. Азербайджан за його словами пропонує Бруселу білатералный договор, котрый бы быв на хосен його країні.

(Медвідь, TASR)