Америцька компанія Pfizer вчера ознамила, же зачала з тестованям вакціны протів коронавірусу у дітей у віку до 11 років. Подля компанії іде о першый крок дальшой етапы ґлобалной скіпачой кампанії, пише аґентура AFP. Подля аґентуры Reuters компанія тестує три розмаїты уровні давкованя вакціны про хоснуваня в даній віковій ґрупі. На зачаток тестованя буде брати участь 144 дітей. В дальшых етапах ся мать тото чісло звышыти на 4500. Компанія уж тестує свою скіпячу латку у дітей у віку од 12 до 15 років. В США ся ньов можуть заскіпити люди старшы як 16 років. (TASR, Pkf)