Малта зачала у четверь летецькы посылати домів загранічных штудентів, котры мали почас штудія анґлічтїны на містных школах позітівный тест на захворіня COVID-19. Інформовала о тім тискова аґентура АP. Малтьске міністерство здравотніцтва заперло языковы школы 14. юла, затоже ся выразно підвышыла кількость припадів наказы коронавірусом, меджі котрыма было і дакілько стовок загранічных штудентів. Страх з пошырёваня інфекції підвышовало тыж тото, же языковы школы гостили і неповнолїтых.

(TASR, Шутіова)