Польскый премєр Матеуш Моравєськый в понедільок выголосив, же хоць Польща і Мадярьско мають іншакы позіції у вопросі Україны, обидві країны мають єднакый погляд на політіку Европской унії і можуть співпрацовати. Інформацію принесла аґентура PAP. Польща має подля Моравєцького много сполочного з Мадярьском, котре є вєдно з Чеськов і Словацьков републіков „найблизшым союзником Польщі в рамках Европской унії“. Польскый премєр є пересвідченый, же на то, жебы были обидві країны способны звладнути наслідкы сучасной енерґетічной, кліматічной і господарьской крізы, мусять глядати то, што їх спаять, і кедь суть дакус іншакы.

(Медвідь, TASR)