Чеськы опозичны політикы скрітізували презідента Мілоша Земана прото, же у вівторок рекомандував премьєрові в демісії Андрейові Бабішові, абы вів переговоры о новій владі з комуністамі і рухом Томія Окамуру. Інформував о тім справодайскый сервер Новинкы.цз. Земан на вівторковім засідані в Ланох Бабішові рекомандував, абы по неуспішных переговорах зо соціалныма демократами вів переговоры і з Комуністичнов партійов Чех і Моравы і правіцово-популістьчным рухом Слобода і пряма демокрація. На основі слов Андрея Бабіша шак мусять варіянту припадной сполупраці с обідвома даныма партіями наперед посудити орґаны його руху АНО і його посланецькый клуб.
(TASR)