Міністры заграничных справ Польщі і побалтскых країн Латвії, Лотішска і Естонії ся вчера з нагоды третього выроча спорных презідентьскых волеб в Білорусії, котры суть западныма країнами поважованы за зманіпулованы, завязали, же будуть надале підпорювати білорускый народ і “демократічны силы“ в споминаній країні. Інформувала о тім аґентура PAP. По вольбах, котры ся одбыли 9-го авґуста 2020-го року, ся довгорічный білорускый презідент Александер Лукашенко выголосив за їх переможця, і то наперек обвиніням, же голосуваня было зманіпуловане. (TASR, Pkf)