Нова штудія одгадує, же в Европі жыло в 2017-ім року найменше 3,9 міліонів, але може аж 4,8 міліонів, ілеґалных іміґрантів, половина з них в Німецьку і Британії. Інформувала о тім пресова аґентура AP. Америцька ехпертна ґрупа  Pew Research Center в справі опублікованій вчера увела, же чісло іміґрантів без поволіня ся звышыло в 2014-ім року, кедь їх жыло в Европі 3 аж 3,7 міліонів, і кулмінувало в роках 2015 – 2016 в часі утеченецькой кризы, кедь їх прийшло коло 1,3 міліона, векшынов з войнов терпячіх країн як є Сірія, Ірак і Афґаністан. В 2016-ім року жыло в Европі коло 4,1 аж 5,3 міліона людей без поволіня на перебываня. І наперек звышеному чіслу недоволеной міґрації до Европы творять тоты міґранты неціле єдно проценто цалковой популації Европы, котра мала в 2017-ім року выше 500 міліонів обывателів. (TASR, Pkf)