Найменше 16 людей вмерло вчера в часі літецького атаку Ізраїля на місто Рафаг на югу Пасма Ґазы, увели джерела з оточіня здравотницькых урядів і захранарів. Інформує о тім аґентура AFP. Як дале тоты джерела потвердили, же два атакы ся одбыли на різных місцях в Рафагу. Аґентура Reuters голосить девять жертв з рядів Палестинчанів по засягу дому в місті. До Рафагу ся прихилило коло 1,5 міліонів Палестинчанів, котры были выселены в часі конфлікту меджі Ізраїльом і рухом Гамас в Пасмі Ґазы. Тото місце на границі з Еґіптом є  тыж найважнішым пунктом вступу гуманітарной помочі до побережного палестиньского пасма. (TASR, Pkf)