Членьскы країны НАТО вырішыли послати до Києва свого надзвычайного посла, котрый буде мати задачу коордіновати політічну і практічну підпору Североатлантічной аліанції в часі, коли Україна і далше мусить боронити ся проти тоталной інвазії російской армії. Про аґентуру DPA то потвердив говорця НАТО. Тота інформація появила ся курто перед самітом НАТО у Вашінґтоні, котрый одбуде ся 9-го аж 11-го юла. Очекує ся, же лідеры членьскых країн на нім формално приймуть план на коордінацію воєньской помочі Україні в рамках формалной місії з назвов Безпечностна поміч і выцвік НАТО про Україну. Натеперь не є ясным, хто приділену нову посаду в Києві здобуде. Далшы детайлы мають быти публікованы по офіціалнім конкурзі, повів говорця НАТО про Wall Street Journal.

(Медвідь, TASR)