Ізраїльскый Найвысшый суд одобрив вчера вечур коалічный договор підписаный меджі урадуючім премєром Бенйаміном Нетанйагуом і його бывшым політичным опонентом Беннім Ґанцом. Інформовала  о тім аґентура AFP. Суд ознамив одобріня коалічного договору коротко по тім, што Нетанйагу і Ґанц інформували, же нова влада складе присягу 13-го мая, чім ся в Ізраїлі скінчіть дотеперь політична кріза. Суд в Єрузалемі правда увів, же коалічный договор меджі Нетанйагуовов правіцовов партійов Єднота (Лікуд) і Ґанцовым центрістічным блоком Модра і Біла (Кахол лаван) є правні проблематічным, але додав, же ся до того небуде мішати. В згоді з підписаным договором ся Ґанц і Нетанйагу буде черяти у функції председы влады, причім Нетанйагу ю буде рік а пів справляти як першый і Ґанц го вычерять в октобрі 2021-ім року. (TASR, Pkf)