Западна стратегія зломити Росію перестала фунґовати, санкції не досягли свій ціль, а Росія заборонила вступу Україні до НАТО. Тото выголосив днесь в мадярьскім парламенті премєрь Віктор Орбан на конференції председів парламентів Европской унії (EÚ). Інформує о тім портал 24.hu. „Напрік тому Европа продовжує у войнi і сімулує, же можеме выграти,“ додав Орбан на заключній конференції парламентных подій, повязаных з минулорічным мадярьскым председницьтвом в EÚ. Світ ся подля його слов реорґанізує, спосіб роздумованя в западнім світі ся тыж мінить, і Европане  мусять на то реаґувати. Але Европа на то не є приправена, підчеркнув. „Нихто не мать одвагу признати, але ту войну сме проґрали,“ продовжував Орбан. Поуказав на то, же російска економіка не впала, санкції не мали очікуючій ефект, а Росіяныи заборонили вступ Україны до NATO. Подля нього Америчани уж тот факт  собі усвідомили і теперь ведуть переговоры, покы што Европани дальше продовжують у войні і сімулують, же можуть выграти. (TASR, Pkf)