Мадярьскый премєрь Віктор Орбан про німецькы медія увів, же хоче з міґрації зробити централну тему мадярьского председницьтва в Европскій унії (ЕУ). Інформує о тім аґентура DPA. Председа влады Мадярьска  в коментарі опублікованім в неділю про новинкы медіалной ґрупы Funke увів, же вітать одношіня німецького канцелара Олафа Схолза, котрый зважує можности пересунутя азілового діяня до країн мімо Европской унії. Орбан увів, же Мадярьско уж аплікує політику в рамках котрой ся жадости о азіл посуджують в третіх країнах передтым, як ся жадательові одобрить вступ. Якраз з той прічіны в половині юна Судный двірь ЕУ (SDEÚ) приказав Мадярьску заплатити высше 200 міліонів евр і к тому дальшый єден міліон евр за каждый день омешканя при недотримуваню правил ЕУ. (TASR, Pkf)