Палестіньскый рух Гамас є приготовленый діскутовати із рухом Фатаг о вытворіню влады народного зміріня. У выголошіню, котре Гамас публіковав в неділю рано, декларує і свою приготовленость орґанізовати общы выборы. Гамас, котрый справує пасмо Ґазы, в документі уточнює, же предасть власти в тій части палестіньскых теріторій новій владі і орґаны, котры там вытворив, роспустить. Так само зачне їднати із Западом підпорьованым Фатагом. Фатаг палестіньского презідента Магмуда Абаса приобіцяня Гамасу вітать. Єдночасно рух підкреслив, же неперед почекать, ці Гамас досправды сповнить тоты обіцяня і аж пак зробить далшы крокы. Інформовала о тім аґентура Associated Press.
(Петро Медвідь)