Европска унія ріскує, же стане „централно рядженым орґанізмом ведженым інштітуціями позбавленыма демократічной контролі,“ написав польскый премєр Матеуш Моравієцькый в писмі, котре в понедільок загнав лідрам Европской унії. Інформовала о тім аґентура AFP. Моравієцькый тоты тенденції означів за „небезпечный феномен,“ котрый огрожує будучность Унії. Лідрів евроблоку зато вызвав, жебы были „одкрыты діалоґу“ о реформі Европской унії. Єдночасно підкреслив, же Польща зістане їй „лоялным членом“.

(Медвідь, TASR)