На соціалных сітях ся обявили фотоґрафії з місця выбуху в ареалі бывшого польногосподарьского дружства в Прзеводове (Przewodówe) на выході  Польщі вєдно пошкодженого трактора, причім черепины назначують, же бы могло іти о звышкы бойовой ракеты. Інформував о тім на своїм інтернетовім сайті польскый денник Rzeczpospolita у звязку з інформаціями, же на польскій теріторії допали дві російскы ракеты, пише пресаґентура TASR. Як продовжує Rzeczpospolita, в  опущеных будовах бывшого польногосподарьского дружства дошло вчера пополідне к выбуху, при котрім вмерло двоє людей. Польскы орґаны перевірюють многы верзії інціденту вєдно того, же дошло к выбуху бойовой ракеты. Шпеціалісты теперь досліджують з радаровых сістемів армії і пограничной стражі. (TASR, Pkf)