Правіцовы екстремісты з многых европскых держав, передовшыткым з Франції, Німецка і Італії хочуть охромити роботу активістів з гуманітарных орґанізацій захоронюючіх утеченців в Середоземнім морі і заблоковати снагы о транспорт захраненых міґрантів до Італії. Їх 40 метрів довгый корабель іде в напрямі до області, де хоче засягнути як проти тым, котры переводять, як і проти представителям мімовладных орґанізацій. Правіцовы екстремісты уж в місяці май зачали посередництвом інтернету із фінанчнов збірков а до днешніх днів вызберали 76 тісяч евр. За тоты гроші сі пренаяли корабель, котрый актуально іде в напрямі до берегів Сіцілії, де в наслідуючій тыждень бы мали наступити актівітсты і набрати курз в напрямі к берегам североафрицкой Лібії.
(Петро Кімак-Фейко)