Презідент СР Петер Пеллеґріні ся у четверь в рамках навщівы Узбекістану білатерално стрїтив з презідентoм Сербії Александром Вучічом. Роковали о далшім посилнїню білатералной кооперації з притиском на енерґетічный сектор. Вучіч зарівно Пеллеґрініго позвав на навщіву Сербії. ,,Єм вдячный за барз практічну і конштруктівну діскузію. Протягом нашой стрїчі сьме сі вымінили назоры на далше посилнїня одношінь меджі нашыма державами – головно в областях енерґетікы, господарьского розвитку і нашого сполочного прыспівку ку стабілітї а просперітї цїлого реґіону,“ написав Пеллеґріні на соціалных сїтях. ,,Тїшу ся на продовжованя нашых діскузій в Сербії, де ня презідент позвав!“ додав.

(TASR, Шутіова)