Новый французьскый премєр Себастіен Лекорну в понедільок резіґновав на свою функцію. Інформовав о тім уряд французьского презідента Еммануела Макрона з тым, же презідент резіґнацію прияв. Презідент премєра до функції выменовав лем минувшый місяць. Склад кабінету, котрый Макрон в неділю вечур представив, стрітив ся із остров крітіков в цілім політічнім спектрі. Попередници Лекорну – Франсоа Байру і Мішел Барніер, были парламентом одкликаны в дослідку патовой сітуації односно французьского розрахунку. Франція довгодобо находить ся в розрахунковій і політічній крізі. З погляду господарьского выкону має Франція третій найвекшый публічный довг в Европскій унії, такой по Ґреції і Італії.

(Медвідь, TASR)