Чорногорьска поліція розогнала  вчера слызотворным пліном стовкы демонштруючіх в місті Цетінйе, в котрім увели  до функції нового лідра серьбской православной церькві в Чорній Горі. Інформували о тім аґентуры AP і AFP. Перед і  в часі недільной церемонії демонштранты атакували поліцайтів камінями і петардами. Дакотры з протестуючіх тыж стріляли до воздуху. Подля аґентуры Reuters з місця затля не суть голошены ниякы пораніня. Метрополіту Йоанікійего ІІ. єпіскопська рада зволила до уряду кінцьом мая. Застанці штатной ідентіты Чорной Горы шак запалисто выступують протів його інавґурації в Цетінйе, історічнім главнім місті Чорногорьского кральовства, і чують то як демонштрацію силы просерьбского табора. (TASR, Pkf)