Російска ґенерална прокуратура пожадала найвысшый суд о розпущіня орґанізації на охрану людьскых прав Меморіал а єй побочок. Інформовала о тім у четверь аґентура AFP. Доводом є порушіня леґіслатівы о загранічных аґентох. Суд ся жадостёв прокуратуры буде занимати 25. новембра. Орґанізація Меморіал жадость прокуратуры означіла за політічну а ознамила, же на єй ліквідацію не єствують жадны законны доводы.

(TASR, Шутіова)