Румунія і Україна підписали у четверь стратеґічне партнерство в областях господарства, обраны, школованя і прав меншын. Договор підписали головы штатів протягом навщівы україньского презідента Володимира Зеленьскоро в Букурештї. Підписали і выголошіня о замірі довєдна вырабляти дроны в Румунії, інформує TASR подля справ аґентур APA ,Agerpres i AFP. Румуньскый презідент Ніцушор Дан прияв україньского партнера з воєньскыма почливостями. На рокованю ся окрем зінтензівнїня білатералной кооперації, головно в енерґетіцї і обранї, напрямили на розшырёваня ЕУ в контекстї одмітавого постоя Мадярьска і Словеньска проти зачатю приступовых розговорів з Кієвом. Далшыма темами были безпечностна сітуація в Чорнім морї а делтї Дуная, як і обнова Україны.

(TASR, Шутіова)