Меджінародный тыждень глухонїмых і меджінародный день посунковых языків, котрый припадав на четверь, святкує комуніта слухово постигнутых по цїлїм світї все в септембру. Цїлём є упозорнити на потребы той ґрупы. На соціалній сїтї то припомянула Асосіація глухонїмых Словакії. ,,Поуказуєме так на інформачны і комунікачны потребы той комуніты, як і на сполочну намагу глухонїмых, влад, локалных і обчаньскых заступцїв, жебы были узнаваны і пропаґованы посунковы языкы, котрых є веце як 200 на цїлїм світї,“ уточнила асоціація. Меджінародный день посунковых языків сі на соціалній сїтї припомянув премєр Едуард Геґер (OĽANO), посланкыня парламенту Яна Жітняньска (Za ľudí), председнічка Жіліньского самосправного края Еріка Юрінова і штатна таёмнічка про інклузію резорту школства Светлана Сітгова.

(TASR, Шутіова)