Французьскый презідент Емануел Макрон в середу выголосив, же патова сітуація тыкаюча ся Ґроньска і США ся стала ,, стратеґічным варовным сіґналом про цїлу Европу“. Французьска голова штату то увела в Паріжу протягом сполочного выступлїня з лідрами Данії і даньского автономного острова. Европскы моцности ся намагають споїти силы, жебы доказали, же суть способны охранити Ґроньско по тім, як Трамп погрозив перевзятём контролї над островом. Макрон підкреслив, же ся треба ,,напрямити на пересаджіня европской сувереніты, на приспівок ку безпечности Арктіды, на бой проти загранічным засягом а дезінформаціям а на бой проти ґлобалному отеплёваню“. Презідент по боку даньской премєркы Метте Фредеріксеновой а председу ґроньской влады Йенса  Фредеріка Ніелсена потвердив солідаріту Франції а ёго ,,обовязку вочі суверенітї а теріторіалній цїлісности“ держав. ,,Франція буде і надале охранёвати тоты прінціпы в згодї з Хартов ОСН,“ пояснив Макрон, причім выразив підпору векшой анґажованости NATO в Арктідї.

(TASR, Шутіова)