Тереза Мейова становила три опатріня на рішеня проблемів у звязку з брехітом
Британьска премьєрка Тереза Мейова вчера вырозуміла, же уможнить британьскому парламенту голосувати о короткім одкладі брехіту, то значіть о выступліню Споєного кральовства з Европской унії (EÚ). Термін одходу Британії з EÚ є становленый на 29. марца. Мейова вчера выступила в парламенті в Лондині, де у тім звязку становила три опатріня на вырішіня проблемів, котры бы ся мали зреалізувати вчасі трьох по собі наслідуючіх дньох – 12., 13. і 14. марца. Увела, же 12. марца уможнить в Долній снімовні парламенту друге голосуваня о догоді о брехіті. Як його членове Долной снімовні одмітнуть, потім уможнить голосувати 13. марца о тім, ці підтримують брехіт без догоды. Як посланці брехіт без догоды неодобрять, 14. марца будуть в Долній снімовні голосувати о „короткім, часово ограніченім продовженім„ їднані з EÚ о брехіті. Такый одклад може быти за єй словами махімалні до юна. Сама собі го шак нежелать, підкреслила. (TASR, Pkf)
-
Назад / Nazad В Ганої ся одбывать другый саміт Кім Чонґ-уна з Доналдом трампом
-
Далше / Dalše Посланці Долной снімовні британьского парламенту пропозицію свойой премьєркы одобрили