Турецьку владну партію опустив єден із ключовых людей
00
![](https://www.rusyn.fm/wp-content/uploads/2019/07/t_Turkey_US_Russia219085630984.jpg)
Бывшый турецькый віцепремєр Алі Бабацан, котрый быв єдным із найважнішых політіків владной Партії справедливости і розвитку презідента Речепа Таїпа Ердоґана, в понедільок закінчів своє членство і назначів, же хоче засновати властну партію. Інформовала о тім аґентура Associated Press. Причінов мають быти різніці у вартостях і поглядах. Нову партію планує подля аґентуры засновати з бывшым презідентом Абдуллагом Ґілом і далшыма людми, котры суть в опозіції ку штораз авторітатівнішій владі презідента Ердоґана. Бабацан быв у минулости наприклад і шефом резорту економікы ці загранічных діл почас веце влад презідента Ердоґана.
(Медвідь, TASR)
-
Назад / Nazad Новый ґреческый премєр зложыв присягу
-
Далше / Dalše Ославы Дня незалежности Україны будуть в новім форматі