Европска унія рихтує санкції проти влады білоруського презідента Александра Лукашенка в реакції на „гібрідны атакы“ проти Литвы, оголосила в пондільок предсидателька Европской комісії Урсула фон дер Леєн, інформує о тім аґентура AFP. Причінов суть головно інціденты із балонами у воздушнім просторі Литвы, котры подля тамтешніх урядів хоснують через граніцю білоруськы пашераци циґаретлів. Литва білоруського презідента обвинює, же проти пашераків замірно не засягує. З причіны балонів мусив быти аеропорт у Вільнюс уж десять раз запертый од октобра. Діпломатічна служба ЕУ інформовала, же в понедільок собі покликала білоруського посла в повязаню із „гібрідныма актівностями, котры походять із білоруськой теріторії, і котры представлюють огрожіня про Европску унію.“

(Медвідь, TASR)