Польскый презідент Карол Навроцькый вышмарив із проґраму свойой тоготыждньовой навщівы Мадярьска окрему стрічу із премєром Віктором Орбаном. Зробив то по Орбановій навщіві Москвы. Навроцькый піде до Мадярьска в середу на саміт V4 в Остригомі, по котрім у четверь мав стрітити ся із Орбаном і мадярьскым презідентом Тамашом Шуйоком. Варшава інформовала, же в повязаню із навщівов Орбана в Москві і їй контекстом презідент Навроцькый вырішыв обмеджіти проґрам свойой навщівы Мадярьска выключно на саміт презідентів Вышеґрадьской ґрупы.

(Медвідь, TASR)