Білорусь є приготовлена вести діалоґ із членьскым країнами Североатлантічной аліанції із цільом посилнити безпеку у выходоевропскім реґіоні. В неділю о тім інформовав радник білоруського міністра обороны про меджінародну воєньску співпрацу Валерій Ревенко, пише аґентура Белта. Ревенко означів односины Білоруси із западныма країнами і членьскыма країнами НАТО за вынятково проблематічны. Єдночасно підкреслив, же Мінск наперек напруженым односинам продовжує в комунікації із Западом. Подля його слово є Білорусь приготовлена дакотрым країнам НАТО представити свою позіцію, выслухати собі їх позіцію, і спробовати досягнути даякый консензус у вопросі безпекы в реґіоні.

(Медвідь, TASR)