Україна, подля презідента Володимира Зеленьского, діспонує справодайскыма інформаціями о тім, же Росія ся не ріхтує скінчіти войну, але приправує новы офензівны операції. О тім Зеленьскый повів в пондільок у своїм реґулярнім вечурнім выступліню, інформує о тім пресаґентура TASR. Зеленьскый твердить, же російскы атакы суть кажду ніч фурт смілівішыма і інтензівнішыма. Припомянув, же Росія лем за послідні три дні выпустила проти Україні веце як 900 ударных дронів і балістічных і рядженых стріл. „Не мать то воєньску лоґіку, але є то ясна політічна воля Росії – воля продовжовати у веджіню войны,“ поуказав Зеленьскый у відеу, публікованім  на сіті X. Подля його слов, в тім моменті не існують ниякы доказы о тім, же бы ся Росія важно занимала можностьов досягнути мір на Україні, і зато є на ню потрібне увалити