Презідент Турції Речеп Таїп Ердоґан в понедільок в конфлікті міджі Російов і Українов єднозначно підпорив Україну. Інформовала о тім аґентура Associated Press. На навщіві в Києві выголосив, же Турція не вызнать анексію Криму і буде все підтримовати сувереніту і теріторіалну цілость Україны. Додав, же Анкара і надалше буде позорно слідовати сітуацію кримскых Татарів і подяковав представителям Україны, же мають намагу обгайовати їх інтересы. Слова турецького презідента суть несподіваньом зато, бо в остатніх місяцях має Анкара теплы односины із Москвов і такы слова можуть тоты односины огрозити.
(Петро Медвідь)