Урядуючій югокорейскый презідент Ган Ток-су в пятніцю приобіцяв забезпечіня стабіліты в области народной безпечности і діпломації. Зробив так по тім, як конштітучный суд потвердив одкликаня суспендованого презідента Юн Сок-ёла. По рїшіню конштітучного суду Южна Корея мусить до 60 днїв зробити предчасны презідентьскы вольбы. Ган остане у функції урядуючой головы штату аж до інавґурації новозволеного презідента. Приобіцяв зато, же зробить вшытко про безпроблемовый переход моци. Ган вів міморядне засїданя з членами кабінету а вызвав владу, жебы продовжовала в намазі о рішіня ключовых вопросів, головно новых америцькых цел на Южну Корею.

(TASR, Шутіова)