Жебрання дітей поважує комісар про діти Йозеф Міклошко за довгодобо нерішену і переглядавану тему. Повів то вчера в Пряшові, де вєдно зо заступцями уряду презентовали результаты моніторінґу дотуляючіх  ся орґанізованого жебрання дітей на выходній Словакії. Моніторовали в авґусті шіст міст і в рамках них 17 локаліт. Ішло о станіці, підходы, торгы, вылучeны локаліты, низькопраговы заряджіня і іншы місця. Вчасі моніторінґу заевідовали веце як 100 жебраючіх дітей, з того 31 процент припадів указовав знакы орґанізованого або нученого жебрання. (TASR, Пкф)