У Вільнюсі была вчера піднята україньска застава принесена з міста Бахмут
![](https://www.rusyn.fm/wp-content/uploads/2023/07/vojna-na-Ukrajine-1024x683.jpg)
В центрі літовской метрополы Вільнюс, місця двойдньового самміту NATO, была вчера піднята україньска застава принесена з міста Бахмут, о котре уж приближно рік ведуть тяжкы бої україньскы і російскы силы. Справу о тім принесли аґентуры AFP і телевізія Sky News. Заставу од україньскых вояків боюючіх при Бахмуті принесли до Вільнюсу участници ултрамаратону, котрый быв одштартованый 25-го юна в Києві. Данов подійов хотіли звернути увагу меджінародной общіны на войну на Україні і підпорити ашпірації Україны стати ся в ряді 33-ім членом Североатлантічной аліянції. На споминаній події быв і україньскый презідент Володимир Зеленськый із женов Оленов, котрый выголосив, же “завдякы NATO буде Україна безпечніша і Україна зробить NATO сілнішым“. (TASR, Pkf)
-
Назад / Nazad До ЕУ має довіру 46 чеськых гражданів, найменше од року 2016
-
Далше / Dalše СКР дістав одповідь од ОБСЕ і з Брусела. Русиньска справа рушать допереду