x

Сербія і Чорна Гора уж не суть на списку безпечных країн

00

Послове 27-ох членьскых держав Европской унії одстранили у віторок Сербію і Чорну Гору із списку безпечных країн, і то найменше на два тыждні. Інформовав о тім сервер B92.net. Подля порталу были обидві державы вышмарены із списку Рады Европской унії з причіны згіршеной епідеміолоґічной сітуації на їх теріторіях в повязаню з пошырьованьом нового коронавірусу. Вышмаріня пропоновало Німецько, котре того часу предсидать Раді Европской унії. Список є про членьскы державы рекомендаційов при вырішованю, котрым третім державам одкрыють свої граніці. Рекомендація не має юрідічный характер і членьскы державы суть одповідны за выконованя обсягу рекомендації.

(Медвідь, TASR)