Предсидателька Европской комісії Урсула фон дер Леєнова оголосила у віторок в Штрасбурзі пропозіцію складу новой екзекутівы Европской унії і з портфоліами а приділенов робочов аґендов окремых еврокомісарів. Як уж од літа знало ся, новов шефков европской діпломації буде Кая Калласова з Естонії. Словацькый еврокомісарь Марош Шефчовіч дістав нову аґенду, мав бы быти комісарьом про обход і господарьску безпеку а межіінштітуціалны односины і транспарентность. Шефчовіч бы в новій еврокомісії уж не мав быти підпредседом, хоць ся о то Словакія намагала. Підпредседів буде мати Іспанія, Фінландія, Франція, Румунія і Італія. В новій еврокомісії будуть вырівнанішы чісла што до розділіня портфолій меджі хлопами і женами.

(Медвідь, TASR)